ਸੰਸਾਰ

ਭਾਰਤ ਬਨਾਮ ਪਾਕਿਸਤਾਨ: ਸ੍ਰੀਲੰਕਾ ਦੇ ਅਰਥਚਾਰੇ 'ਤੇ ਵਰ੍ਹਿਆ ਪੈਸਾ

ਕੋਲੰਬੋ ਅੱਜ ਭਾਰਤੀ ਕ੍ਰਿਕਟ ਟੀਮ ਦਾ ਪਾਕਿਸਤਾਨ ਟੀਮ ਨਾਲ ਮੁਕਾਬਲਾ ਹੈ। ਬਹੁਤ ਸਾਰੇ ਲੋਕਾਂ ਲਈ, ਭਾਰਤ ਬਨਾਮ ਪਾਕਿਸਤਾਨ ਮੈਚ, ਜਿਸ ਨਾਲ ਉਨ੍ਹਾਂ ਦਾ ਕੋਈ ਸਿੱਧਾ ਸਬੰਧ ਨਹੀਂ ਹੈ, ਇੱਕ ਪੈਸਾ ਕਮਾਉਣ ਵਾਲਾ ਜ਼ਰੀਆ ਹੈ। ਅਜਿਹਾ ਹੀ ਕੁੱਝ ਰੇਹਾਨ ਫਰਨਾਂਡੋ ਨੇ ਆਪਣ ਉਤਸ਼ਾਹ ਨੂੰ ਬਿਆਨ ਕਰਦਿਆਂ ਦੱਸਿਆ ਹੈ। ਫਰਨਾਂਡੋ ਪ੍ਰੇਮਾਦਾਸਾ ਸਟੇਡੀਅਮ ਵੱਲ 20 ਮਿੰਟ ਦੀ ਡਰਾਈਵ ਦੌਰਾਨ ਕਾਫ਼ੀ ਉਤਸ਼ਾਹਤ ਹੈ, ਪਰ ਉਹ ਭਾਰਤ ਬਨਾਮ ਪਾਕਿਸਤਾਨ ਮੈਚ ਦੇ ਵਿਚਾਰਾਂ ਕਰਕੇ ਨਹੀਂ ਸਗੋਂ ਇਸ ਮੈਚ ਨਾਲ ਕਾਰੋਬਾਰ ਦੇ ਖੁੱਲ੍ਹਣ ਵਾਲੇ ਰਾਹ ਲਈ ਉਤਸ਼ਾਹਤ ਹੈ। 41 ਸਾਲਾ ਫਰਨਾਂਡੋ, ਜੋ ਦੋ ਬੱਚਿਆਂ ਦਾ ਪਿਤਾ ਹੈ। ਫਰਨਾਂਡੋ ਇਕੱਲਾ ਨਹੀਂ ਹੈ। ਆਰਥਿਕ ਲਾਭ ਦੀਆਂ ਉਮੀਦਾਂ ਲੰਕਾ ਦੇ ਸਮਾਜ ਦੇ ਕਈ ਹਿੱਸਿਆਂ ਵਿੱਚ ਫੈਲੀਆਂ ਹੋਈਆਂ ਹਨ। ਕਿਨਸੀ ਮਾਵਥਾ (Kynsey Mawatha) ਰੋਡ ਰਾਹੀਂ ਡੀ ਸੋਇਸਾ ਸਰਕਲ (De Soysa circle) ਤੋਂ ਹੁੰਦੇ ਹੋਏ ਇਸ ਭੀੜ-ਭੜੱਕੇ ਵਾਲੀ ਫੂਡ ਸਟ੍ਰੀਟ ਤੱਕ ਦੀ ਇੱਕ ਛੋਟੀ ਜਿਹੀ ਡਰਾਈਵ ਕੋਲੰਬੋ ਦੀਆਂ ਸਾਰੀਆਂ ਚੰਗੀਆਂ ਚੀਜ਼ਾਂ ਨੂੰ ਦਰਸਾਉਂਦੀ ਹੈ। ਸ਼ਾਨਦਾਰ ਇਮਾਰਤਾਂ, ਚੌੜੀਆਂ ਅਤੇ ਸਾਫ਼ ਸੜਕਾਂ, ਸੁਪਰ ਲਗਜ਼ਰੀ ਕਾਰਾਂ ਦੇ ਸ਼ੋਅਰੂਮ, ਵਿਸ਼ੇਸ਼ ਸੂਟਿੰਗਾਂ ਦੇ ਆਊਟਲੈਟਸ, ਫਾਈਨ ਡਾਇਨ ਰੈਸਟੋਰੈਂਟ। ਇਹ 2 ਕਿਲੋਮੀਟਰ ਦਾ ਸਫ਼ਰ ਕੋਲੰਬੋ ਦੇ ਇੱਕ ਕੋਸਮੋਪੋਲੀਟਨ ਬੰਦਰਗਾਹ ਸ਼ਹਿਰ ਵਜੋਂ ਟੈਗ 'ਤੇ ਪੂਰੀ ਤਰ੍ਹਾਂ ਫਿੱਟ ਬੈਠਦਾ ਹੈ। ਇਹ ਪੱਬਾਂ ਅਤੇ ਬਿਸਟਰੋਆਂ (bistros) ਨਾਲ ਭਰੀ ਇੱਕ ਚੌੜੀ ਸੜਕ ਵੱਲ ਲੈ ਜਾਂਦਾ ਹੈ, ਪਰ ਸ਼ਨੀਵਾਰ ਦੀ ਰਾਤ 2 ਵਜੇ ਤੱਕ ਚੱਲਣ ਵਾਲੀ ਰੌਣਕ ਵਿੱਚ ਭਾਰਤੀ ਅਤੇ ਪਾਕਿਸਤਾਨੀ ਸੈਲਾਨੀਆਂ ਦੀ ਗਿਣਤੀ ਸਥਾਨਕ ਲੋਕਾਂ ਨਾਲੋਂ ਕਿਤੇ ਜ਼ਿਆਦਾ ਹੈ। ਸ਼ਹਿਰ ਦੇ ਇੱਕ ਮਸ਼ਹੂਰ ਵਾਟਰਹੋਲ (ਪੱਬ) ਦੇ ਸਟੋਰ ਮੈਨੇਜਰ ਮਾਈਕਲ ਅਮਰਾਸਿਰੀ ਕਹਿੰਦੇ ਹਨ, "ਅਸੀਂ ਆਪਣੇ ਗਾਹਕਾਂ ਲਈ ਸੀਟਾਂ ਲੱਭਣ ਲਈ ਸੰਘਰਸ਼ ਕਰ ਰਹੇ ਹਾਂ। ਸਾਨੂੰ ਆਮ ਤੌਰ 'ਤੇ ਵੀਕੈਂਡ 'ਤੇ ਚੰਗੀ ਭੀੜ ਮਿਲਦੀ ਹੈ, ਪਰ ਅਸੀਂ ਇੰਨੀ ਵੱਡੀ ਗਿਣਤੀ ਦੀ ਉਮੀਦ ਨਹੀਂ ਕੀਤੀ ਸੀ।" ਅਮਰਾਸਿਰੀ ਕਹਿੰਦੇ ਹਨ, "ਇੱਕ ਵਾਰ ਜਦੋਂ ਮੈਚ ਕਰਵਾਉਣ ਦਾ ਫੈਸਲਾ ਹੋ ਗਿਆ, ਸਾਨੂੰ ਰੱਦ ਕੀਤੀਆਂ ਬੁਕਿੰਗਾਂ ਨੂੰ ਦੁਬਾਰਾ ਸ਼ੁਰੂ ਕਰਨ ਲਈ ਫ਼ੋਨ ਆਉਣ ਲੱਗੇ ਅਤੇ ਭਾਰਤ ਖਾਸ ਕਰਕੇ ਮੁੰਬਈ, ਚੇਨਈ ਅਤੇ ਬੈਂਗਲੁਰੂ ਤੋਂ ਹੋਰ ਪ੍ਰਸ਼ੰਸਕਾਂ ਨੇ ਦੋ-ਰਾਤਾਂ ਜਾਂ ਇੱਕ-ਰਾਤ ਦੇ ਠਹਿਰਨ ਲਈ ਸਾਡੇ ਨਾਲ ਸੰਪਰਕ ਕੀਤਾ ਹੈ।" ਅਮਰਾਸਿਰੀ ਹੱਸਦੇ ਹੋਏ ਕਹਿੰਦੇ ਹਨ, "ਸ਼ਾਇਦ ਸਾਡੇ ਕੋਲ ਕੋਲੰਬੋ ਵਿੱਚ ਹੋਰ ਭਾਰਤ ਬਨਾਮ ਪਾਕਿਸਤਾਨ ਮੈਚ ਹੋ ਸਕਦੇ ਹਨ। ਅਸੀਂ ਇੱਥੇ ਉਨ੍ਹਾਂ ਵਿਚਕਾਰ ਦੁਵੱਲੀ ਸੀਰੀਜ਼ ਕਿਉਂ ਨਹੀਂ ਕਰਵਾਉਂਦੇ?" ਪਰ ਇਹ ਸੰਗਠਿਤ ਖੇਤਰਾਂ ਦੇ ਲੋਕ ਹਨ। ਸਥਾਨਕ ਉਦਯੋਗ ਵੀ ਇਸ ਵੀਕੈਂਡ 'ਤੇ ਲਾਭ ਉਠਾਉਣ ਲਈ ਤਿਆਰ ਹੈ। ਖੇਤਾਰਾਮਾ (Khettarama) ਰੋਡ ਹੁਣ ਸਥਾਨਕ ਵਿਕਰੇਤਾਵਾਂ ਨਾਲ ਭਰੀ ਹੋਈ ਹੈ ਜੋ ਭਾਰਤੀ ਅਤੇ ਪਾਕਿਸਤਾਨੀ ਜਰਸੀ, ਟੋਪੀਆਂ, ਝੰਡੇ ਵੇਚ ਰਹੇ ਹਨ। ਨੌਜਵਾਨ ਮੁੰਡੇ ਮਿਟਣਯੋਗ ਟੈਟੂ ਬਣਾਉਣ ਵਾਲੀ ਸਿਆਹੀ ਲੈ ਕੇ ਘੁੰਮ ਰਹੇ ਹਨ ਅਤੇ ਲੰਕਾ ਦੀ ਤੇਜ਼ ਧੁੱਪ ਵਿੱਚ ਕਤਾਰ ਵਿੱਚ ਖੜ੍ਹੇ ਪ੍ਰਸ਼ੰਸਕਾਂ ਨੂੰ ਨਿੰਬੂ ਪਾਣੀ, ਫਲਾਂ ਦਾ ਜੂਸ ਅਤੇ ਨਾਰੀਅਲ ਪਾਣੀ ਦੇਣ ਲਈ ਅਸਥਾਈ ਸਟਾਲ ਲਗਾਏ ਗਏ ਹਨ। ਇੱਥੋਂ ਤੱਕ ਕਿ ਕ੍ਰਿਕਟਰ ਵੀ ਖੁਦ ਇਸ ਨੂੰ ਮਹਿਸੂਸ ਕਰਦੇ ਹਨ। ਪਾਕਿਸਤਾਨੀ ਕਪਤਾਨ ਸਲਮਾਨ ਅਲੀ ਆਗਾ ਨੇ ਇਸਨਦਾ ਵਧੀਆ ਵਰਣਨ ਕੀਤਾ। ਸਲਮਾਨ ਨੇ ਕਿਹਾ, "ਮੈਂ ਸ਼੍ਰੀਲੰਕਾ ਦੇ ਘੱਟੋ-ਘੱਟ 4-5 ਦੌਰੇ ਕੀਤੇ ਹਨ। ਮੈਂ ਇੱਥੇ ਆਪਣੀ ਜ਼ਿੰਦਗੀ ਦੇ ਸਭ ਤੋਂ ਵਧੀਆ ਲੋਕ ਦੇਖੇ ਹਨ। ਉਹ ਬਹੁਤ ਵਧੀਆ ਲੋਕ ਹਨ ਅਤੇ ਉਨ੍ਹਾਂ ਦੀ ਪਰਾਹੁਣਚਾਰੀ ਬਹੁਤ ਵਧੀਆ ਹੈ। ਇਸ ਲਈ ਅਸੀਂ ਇੱਥੇ ਆਪਣੇ ਸਮੇਂ ਦਾ ਆਨੰਦ ਮਾਣ ਰਹੇ ਹਾਂ। ਇਸੇ ਤਰ੍ਹਾਂ ਪ੍ਰਸ਼ੰਸਕ ਅਤੇ ਸ਼੍ਰੀਲੰਕਾ ਦੀ ਆਰਥਿਕਤਾ ਵੀ ਇਸ ਦਾ ਆਨੰਦ ਲੈ ਰਹੀ ਹੈ।