ਅਮਰੀਕਾ

ਵਾਈਟ ਹਾਊਸ ਵਲੋਂ ਐਚ-1 ਬੀ ਵੀਜ਼ੇ ਸਬੰਧੀ ਟਰੰਪ ਦਾ ਸਮਰਥਨ

ਸੈਕਰਾਮੈਂਟੋ -ਵਾਈਟ ਹਾਊਸ ਨੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੀ ਐਚ-1ਬੀ ਵੀਜ਼ਾ ਬਾਰੇ ਪਹੁੰਚ ਦਾ ਸਮਰਥਨ ਕੀਤਾ ਹੈ | ਪ੍ਰੈੱਸ ਸਕੱਤਰ ਕਾਰੋਲਾਈਨ ਲੀਵਿਟ ਨੇ ਕਿਹਾ ਹੈ ਕਿ ਟਰੰਪ ਦੁਆਰਾ ਵਿਦੇਸ਼ ਵਰਕਰਾਂ ਨੂੰ ਸ਼ੁਰੂ ਵਿਚ ਅਮਰੀਕਾ ਆਉਣ ਦੀ ਇਜ਼ਾਜਤ ਦਿੱਤੀ ਜਾਵੇਗੀ ਜਦ ਕਿ ਬਾਅਦ ਵਿਚ ਇਨ੍ਹਾਂ ਦੀ ਜਗ੍ਹਾ ਅਮਰੀਕੀ ਵਰਕਰ ਲੈ ਲੈਣਗੇ | ਉਨ੍ਹਾਂ ਕਿਹਾ ਕਿ ਟਰੰਪ ਦਾ ਵਿਚਾਰ ਹੈ ਕਿ ਜੇਕਰ ਵਿਦੇਸ਼ੀ ਕੰਪਨੀਆਂ ਅਮਰੀਕਾ ਵਿਚ ਖਰਬਾਂ ਡਾਲਰ ਦਾ ਨਿਵੇਸ਼ ਕਰਦੀਆਂ ਹਨ ਤੇ ਨਾਲ ਉਹ ਵਿਦੇਸ਼ੀ ਵਰਕਰ ਵੀ ਲੈ ਕੇ ਆਉਂਦੀਆਂ ਹਨ ਤਾਂ ਲੈ ਆਉਣ ਪਰੰਤੂ ਟਰੰਪ ਆਖਰਕਾਰ ਇਨ੍ਹਾਂ ਨੌਕਰੀਆਂ ਉਪਰ ਅਮਰੀਕੀਆਂ ਨੂੰ ਵੇਖਣਾ ਚਹੁੰਦੇ ਹਨ | ਉਨ੍ਹਾਂ ਕਿਹਾ ਕਿ ਇਸ ਮੁੱਦੇ 'ਤੇ ਰਾਸ਼ਟਰਪਤੀ ਦੀ ਪਹੁੰਚ ਬਾਰੇ ਭੰਬਲਭੂਸਾ ਪੈਦਾ ਹੋਇਆ ਹੈ ਜਦ ਕਿ ਟਰੰਪ ਨੇ ਵਿਦੇਸ਼ੀ ਕੰਪਨੀਆਂ ਨੂੰ ਕਿਹਾ ਹੈ ਕਿ ਜੇਕਰ ਉਹ ਅਮਰੀਕਾ ਵਿਚ ਨਿਵੇਸ਼ ਕਰਨਾ ਚਾਹੁੰਦੀਆਂ ਹਨ ਤਾਂ ਉਨ੍ਹਾਂ ਨੂੰ ਮੇਰੇ ਲੋਕਾਂ ਨੂੰ ਨੌਕਰੀਆਂ ਦੇਣੀਆਂ ਪੈਣਗੀਆਂ |