ਸੰਸਾਰ

ਕੈਨੇਡਾ 'ਚ ਪੰਜਾਬੀ ਸਕਿਉਰਟੀ ਗਾਰਡ ਨੂੰ ਮਿਲਿਆ ਬਹਾਦਰੀ ਸਨਮਾਨ

ਐਬਟਸਫੋਰਡ -ਕੈਨੇਡਾ 'ਚ ਸਕਿਊਰਟੀ ਗਾਰਡਾਂ ਦੀ ਪ੍ਰਤੀਨਿਧ ਸੰਸਥਾ ਕੈਨੇਡੀਅਨ ਸਕਿਉਰਟੀ ਲਾਈਫਸੇਵਰ ਐਸੋਸੀਏਸ਼ਨ ਵਲੋਂ ਐਬਟਸਫੋਰਡ ਦੀ ਯੂਨੀਵਰਸਿਟੀ ਆਫ ਫਰੇਜ਼ਰ ਵੈਲੀ ਵਿਖੇ ਸਕਿਉਰਟੀ ਗਾਰਡ ਵਜੋਂ ਸੇਵਾਵਾਂ ਨਿਭਾ ਰਹੇ ਪੰਜਾਬੀ ਨੌਜਵਾਨ ਅੰਮਿ੍ਤ ਖੁੱਲਰ ਨੂੰ ਬਹਾਦਰੀ ਸਨਮਾਨ 'ਅਨਵੇਵਰਿੰਗ ਹੀਰੋਇਸ਼ਮ' ਨਾਲ ਸਨਮਾਨਿਤ ਕੀਤਾ ਹੈ | ਅੰਮਿ੍ਤ ਖੁੱਲਰ ਨੂੰ ਇਹ ਵਕਾਰੀ ਸਨਮਾਨ ਇਕ ਵਿਅਕਤੀ ਦੀ ਜਾਨ ਬਚਾਉਣ ਬਦਲੇ ਦਿੱਤਾ ਗਿਆ ਹੈ | ਘਟਨਾ ਬੀਤੀ 16 ਜੂਨ ਦੀ ਹੈ ਜਦੋਂ ਅੰਮਿ੍ਤ ਡਿਊਟੀ ਕਰ ਰਿਹਾ ਸੀ ਤਾਂ ਉਸ ਨੂੰ ਸੂਚਨਾ ਮਿਲੀ ਕਿ ਰੋਜ਼ਰਜ਼ ਫੋਰਮ ਨੇੜੇ ਝਾਡੀਆਂ ਵਿਚ ਇਕ ਵਿਅਕਤੀ ਪਿਆ ਹੈ ਜਦੋਂ ਅੰਮਿ੍ਤ ਆਪਣੇ ਸਾਥੀ ਸਕਿਉਰਟੀ ਗਾਰਡ ਟੋਨੀ ਨਾਲ ਤੁਰੰਤ ਉਥੇ ਪਹੁੰਚਿਆ ਤਾਂ ਦੇਖਿਆ ਕਿ ਉਕਤ ਵਿਅਕਤੀ ਅਜੀਬ ਕਿਸਮ ਦੀ ਆਵਾਜ਼ ਕੱਢ ਰਿਹਾ ਸੀ ਤੇ ਉਸ ਦੇ ਗਲ ਵਿਚ ਕੁਝ ਫਸਿਆ ਹੋਇਆ ਸੀ ਤੇ ਉਸ ਨੂੰ ਸਾਹ ਲੈਣ ਵਿਚ ਬਹੁਤ ਤਕਲੀਫ ਹੋ ਰਹੀ ਸੀ | ਅੰਮਿ੍ਤ ਵਲੋਂ ਤੁਰੰਤ ਉਕਤ ਵਿਅਕਤੀ ਨੂੰ ਮੁਢਲੀ ਡਾਕਟਰੀ ਸਹਾਇਤਾ ਸੀ.ਪੀ.ਆਰ. ਦੇ ਕੇ ਐਂਬੂਲੈਂਸ ਰਾਹੀਂ ਹਸਪਤਾਲ ਪਹੁੰਚਾਇਆ ਗਿਆ, ਜਿੱਥੇ ਉਸ ਦੀ ਜਾਨ ਬਚ ਗਈ |