ਸੰਸਾਰ

'ਆਸਟਰੇਲੀਆ ਇੰਡੀਆ ਫਰੈਂਡਿਸ਼ਪ ਗੇਟ' ਨੂੰ ਹੈਰਿਸ ਪਾਰਕ 'ਚ ਬਣਾਉਣ ਦੀ ਉੱਠੀ ਮੰਗ

ਸਡਨੀ ਸਿਡਨੀ 'ਚ ਭਾਰਤੀਆਂ ਦੇ ਗੜ ਮੰਨੇ ਜਾਂਦੇ ਹੈਰਿਸ ਪਾਰਕ 'ਚ 'ਆਸਟਰੇਲੀਆ ਇੰਡੀਆ ਫਰੈਂਡਸ਼ਿਪ ਗੇਟ' ਨੂੰ ਬਣਾਉਣ ਦੀ ਆਵਾਜ਼ ਨੇ ਕਾਫੀ ਜ਼ੋਰ ਫੜਿਆ ਹੈ | ਇੱਥੇ ਦੱਸਣਯੋਗ ਹੈ ਕਿ ਜਦ ਭਾਰਤ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਆਸਟਰੇਲੀਆ ਦੌਰੇ 'ਤੇ ਆਏ ਸਨ ਤਾਂ ਹੈਰਿਸ ਪਾਰਕ ਨੂੰ 'ਲਿਟਲ ਇੰਡੀਆ' ਨਾਮ ਨਾਲ ਸੰਬੋਧਨ ਕੀਤਾ ਸੀ ਤੇ ਇੱਥੇ ਇਕ ਲਿਟਲ ਇੰਡੀਆ ਨਾਂਅ ਦਾ ਪੱਥਰ ਵੀ ਲਗਾਇਆ ਸੀ | ਇਸ ਤੋਂ ਬਾਅਦ ਇਸ ਇਲਾਕੇ ਨੂੰ ਲਿਟਲ ਇੰਡੀਆ ਦੇ ਨਾਂਅ ਨਾਲ ਵੀ ਸੰਬੋਧਨ ਕੀਤਾ ਜਾਂਦਾ ਰਿਹਾ ਹੈ ¢ ਇਥੋਂ ਦੀ ਬਿਕਰਮ ਸਟਰੀਟ ਦਾ ਨਾਂਅ ਵੀ ਬਦਲ ਕੇ ਲਿਟਲ ਇੰਡੀਆ ਨਾਂਅ ਰੱਖਣ ਦੇ ਕਈ ਸੁਝਾ ਦਿੱਤੇ ਗਏ ਸਨ | ਹੁਣ ਹੈਰਿਸ ਪਾਰਕ ਇਲਾਕੇ ਨੂੰ 'ਆਸਟਰੇਲੀਆ ਇੰਡੀਆ ਫਰੈਂਡਸ਼ਿਪ ਗੇਟ' ਬਣਾਉਣ ਦੀ ਆਵਾਜ਼ ਉੱਠ ਰਹੀ ਹੈ | ਇਸ ਸਬੰਧੀ ਇਕ ਨਵੰਬਰ 2025 ਨੂੰ ਇਕ ਇੰਡੀਅਨ ਆਸਟਰੇਲੀਆਨ ਡਾਈਸਪੋਰਾ ਬੈਠਕ ਵੀ ਰੱਖੀ ਗਈ ਹੈ, ਜਿਸ 'ਚ ਇਸ ਸਬੰਧੀ ਵਿਚਾਰ ਰੱਖੇ ਜਾਣਗੇ | ਇਕ ਵੈਬਸਾਈਟ ਵੀ ਤਿਆਰ ਕੀਤੀ ਗਈ ਹੈ ਜਿਸ 'ਚ ਸਾਰੇ ਭਾਰਤੀਆਂ ਨੂੰ ਇੱਕ ਫਾਰਮ ਭਰਨ ਦੀ ਪੇਸ਼ਕਸ਼ ਵੀ ਕੀਤੀ ਗਈ ਹੈ |