ਦੇਸ਼

ਭਾਰਤ ਦੇ ਅਮੀਰਾਂ ਦੀ ਸੂਚੀ 'ਚ ਅੰਬਾਨੀ-ਅਡਾਨੀ ਦੀ ਬਾਦਸ਼ਾਹਤ ਬਰਕਰਾਰ

ਮੁੰਬਈ 'ਐਮ3ਐਮ ਹੁਰੂਨ ਇੰਡੀਆ ਰਿਚ ਲਿਸਟ 2025' 'ਚ ਦੇਸ਼ ਦੇ 358 ਅਰਬਪਤੀਆਂ 'ਚੋਂ ਪਹਿਲੇ ਨੰਬਰ 'ਤੇ ਮੁਕੇਸ਼ ਅੰਬਾਨੀ ਤੇ ਦੂਸਰੇ ਨੰਬਰ 'ਤੇ ਗੌਤਮ ਅੰਡਾਨੀ ਦਾ ਦਬਦਬਾ ਬਰਕਰਾਰ ਹੈ | ਮੁਕੇਸ਼ ਅੰਬਾਨੀ ਤੇ ਉਨ੍ਹਾਂ ਦੇ ਪਰਿਵਾਰ ਦੀ ਕੁਲ ਸੰਪੰਤੀ 9.55 ਲੱਖ ਕਰੋੜ ਰੁਪਏ ਭਾਵ ਕਰੀਬ 105 ਅਰਬ ਡਾਲਰ ਆਂਕੀ ਗਈ ਹੈ | ਅਡਾਨੀ ਗਰੁੱਪ ਦੇ ਚੇਅਰਮੈਨ ਗੌਤਮ ਅਡਾਨੀ ਤੇ ਉਨ੍ਹਾਂ ਦੇ ਪਰਿਵਾਰ ਦੀ ਜਾਇਦਾਦ 8.15 ਲੱਖ ਕਰੋੜ ਰੁਪਏ ਨਾਲ ਦੂਸਰੇ ਸਥਾਨ 'ਤੇ ਹੈ | ਐਚ.ਸੀ.ਐਲ. ਦੀ ਰੋਸ਼ਨੀ ਨਾਦਰ ਮਲਹੋਤਰਾ ਨੇ 2.84 ਲੱਖ ਕਰੋੜ ਰੁਪਏ ਨਾਲ ਪਹਿਲੀ ਵਾਰ ਟਾਪ-3 'ਚ ਥਾਂ ਬਣਾਈ ਹੈ | ਏ.ਆਈ. ਸਟਾਰਟਅਪ ਦੇ ਸੰਸਥਾਪਕ ਚੇਨਈ ਦੇ ਸ੍ਰੀਨਿਵਾਸ 21,190 ਕਰੋੜ ਰੁਪਏ ਦੀ ਸੰਪੰਤੀ ਨਾਲ ਸਭ ਤੋਂ ਯੁਵਾ ਅਰਬਪਤੀ ਬਣੇ ਹਨ | ਨੀਰਜ ਬਜਾਜ 2.33 ਲੱਖ ਕਰੋੜ ਰੁਪਏ ਨਾਲ 6ਵੇਂ ਸਥਾਨ 'ਤੇ ਹਨ | ਸ਼ਾਹਰੁਖ ਖਾਨ ਵਿਸ਼ਵ ਦੇ ਸਭ ਤੋਂ ਅਮੀਰ ਅਦਾਕਾਰ ਬਣ ਗਏ ਹਨ | ਸੂਚੀ 'ਚ ਸ਼ਾਹਰੁਖ ਦੀ ਜਾਇਦਾਦ 12,490 ਕਰੋੜ ਰੁਪਏ ਦਿਖਾਈ ਗਈ ਹੈ | ਇਕਨਾਮਿਕਸ ਟਾਈਮਜ਼ ਦੀ ਰਿਪੋਰਟ ਅਨੁਸਾਰ ਸ਼ਾਹਰੁਖ ਭਾਰਤ ਦੇ ਸਭ ਤੋਂ ਅਮੀਰ ਸੈਲੀਬਰਿਟੀ ਹਨ ਜਦਕਿ ਜੂਹੀ ਚਾਵਲਾ 7790 ਕਰੋੜ ਦੀ ਜਾਇਦਾਦ ਨਾਲ ਸਭ ਤੋਂ ਅਮੀਰ ਅਦਾਕਾਰਾ ਹੈ |