ਸੰਸਾਰ

ਉੱਤਰ ਕੋਰੀਆ ਚੋਣਾਂ ’ਚ ਕਿਮ ਜੌਂਗ ਉਨ ਨੇ ਹੂੰਝਾ ਫੇਰਿਆ

ਸਿਓਲ ਉੱਤਰ ਕੋਰੀਆ ਦੀਆਂ 2026 ਦੀਆਂ ਸੰਸਦੀ ਚੋਣਾਂ ’ਚ ਕਿਮ ਜੌਂਗ ਉਨ ਨੇ ਭਾਰੀ ਬਹੁਮਤ ਨਾਲ ਜਿੱਤ ਹਾਸਲ ਕੀਤੀ ਹੈ। ਯੋਨਹਾਪ ਖ਼ਬਰ ਏਜੰਸੀ ਮੁਤਾਬਕ ਕੋਰੀਆ ਵਰਕਰਜ਼ ਪਾਰਟੀ ਅਤੇ ਉਸ ਦੇ ਗੱਠਜੋੜ ਸਹਿਯੋਗੀਆਂ ਨੇ 99.93 ਫ਼ੀਸਦ ਵੋਟਾਂ ਹਾਸਲ ਕੀਤੀਆਂ ਹਨ ਅਤੇ ਸਾਰੀਆਂ ਸੀਟਾਂ ’ਤੇ ਕਬਜ਼ਾ ਕਰ ਲਿਆ ਹੈ। 15ਵੀਂ ਸੁਪਰੀਮ ਪੀਪਲਜ਼ ਅਸੈਂਬਲੀ ਦੇ ਨੁਮਾਇੰਦਿਆਂ ਦੀ ਚੋਣ ਲਈ 15 ਮਾਰਚ ਨੂੰ ਹੋਈਆਂ ਚੋਣਾਂ ’ਚ 99.99 ਫ਼ੀਸਦ ਵੋਟਾਂ ਪਈਆਂ ਸਨ। ਨਤੀਜਿਆਂ ਤੋਂ ਬਾਅਦ ਪਿਓਂਗਯਾਂਗ ’ਚ ਨਵੀਂ ਅਸੈਂਬਲੀ ਦਾ ਉਦਘਾਟਨੀ ਸੈਸ਼ਨ ਹੋਣਾ ਹੈ ਜਿਸ ’ਚ ਸਰਕਾਰ ਦੀ ਲੀਡਰਸ਼ਿਪ ਦੀ ਚੋਣ ਬਾਰੇ ਫ਼ੈਸਲਾ ਕੀਤਾ ਜਾਵੇਗਾ ਅਤੇ ਸੰਵਿਧਾਨ ’ਚ ਵੱਡੀ ਸੋਧ ’ਤੇ ਵਿਚਾਰ ਚਰਚਾ ਕੀਤੀ ਜਾਵੇਗੀ। ਇਹ ਅਗਾਮੀ ਵਿਧਾਨਕ ਮੀਟਿੰਗ ਪਿਛਲੇ ਮਹੀਨੇ ਹੋਈ ਸੱਤਾ ਧਿਰ ਕੋਰੀਆ ਵਰਕਰਜ਼ ਪਾਰਟੀ ਦੀ ਨੌਵੀਂ ਕਾਂਗਰਸ ਤੋਂ ਬਾਅਦ ਹੋ ਰਹੀ ਹੈ।