Colors: Orange Color

ਨਵੀਂ ਦਿੱਲੀ — ਅਮਰੀਕੀ ਈ-ਕਾਮਰਸ ਕੰਪਨੀ ਐਮਾਜ਼ੋਨ ਦੇ ਭਾਰਤੀ ਯੂਨਿਟ ਨੇ ਕਿਸ਼ੋਰ ਬਿਆਣੀ ਦੇ ਫਿਊਚਰ ਗਰੁੱਪ 'ਚ 12 ਤੋਂ 15 ਫੀਸਦੀ ਦੀ ਹਿੱਸੇਦਾਰੀ 60 ਤੋਂ 70 ਕਰੋੜ ਡਾਲਰ ਵਿਚ ਖਰੀਦਣ ਲਈ ਰਸਮੀ ਗੱਲਬਾਤ ਸ਼ੁਰੂ ਕਰ ਦਿੱਤੀ ਹੈ। ਸੂਤਰਾਂ ਮੁਤਾਬਕ ਦੋਵਾਂ ਕੰਪਨੀਆਂ ਨੇ ਗੱਲਬਾਤ ਅੱਗੇ ਵਧਾਉਣ ਦੇ ਸਮਝੌਤੇ 'ਤੇ ਦਸਤਖਤ ਕੀਤੇ ਹਨ। ਜੇਕਰ ਇਹ ਸਮਝੌਤਾ ਆਪਣੇ ਮੁਕਾਮ ਤੱਕ ਪਹੁੰਚਦਾ ਹੈ ਤਾਂ ਇਹ ਨਕਦੀ ਅਤੇ ਸ਼ੇਅਰਾਂ ਵਿਚ ਹੋ ਸਕਦਾ ਹੈ।

ਨਵੀਂ ਦਿੱਲੀ — ਪਹਿਲੀ ਵਾਰ ਬਾਇਓਫਿਊਲ ਨਾਲ ਹਵਾਈ ਜਹਾਜ਼ ਉਡਾ ਕੇ ਭਾਰਤ ਨੇ ਹਵਾਈ ਉਡਾਣ ਉਦਯੋਗ ਵਿਚ ਨਵਾਂ ਮੁਕਾਮ ਹਾਸਲ ਕਰ ਲਿਆ ਹੈ। ਸਪਾਈਸਜੈੱਟ ਨੇ ਬੰਬਾਰਡੀਅਰ ਕਿਊ-400 ਜਹਾਜ਼ ਨੂੰ ਦੇਹਰਾਦੂਨ-ਦਿੱਲੀ ਵਿਚਕਾਰ ਉਡਾ ਕੇ ਉਡਾਣ ਦਾ ਸਫਲਤਾਪੂਰਵਕ ਨਿਰੀਖਣ ਕੀਤਾ। ਇਸ ਦੇ ਨਾਲ ਹੀ ਭਾਰਤ ਉਸ ਖਾਸ ਗਰੁੱਪ 'ਚ ਸ਼ਾਮਲ ਹੋ ਗਿਆ ਜਿਨ੍ਹਾਂ ਨੇ ਬਾਇਓਫਿਊਲ ਨਾਲ ਕਿਸੇ ਜਹਾਜ਼ ਨੂੰ ਉਡਾਇਆ ਹੈ।

ਨਵੀਂ ਦਿੱਲੀ — ਪੰਜਾਬ ਨੈਸ਼ਨਲ ਬੈਂਕ ਘਪਲੇ ਦੇ ਮੁੱਖ ਦੋਸ਼ੀਆਂ 'ਚੋਂ ਇਕ ਮੇਹੁਲ ਚੌਕਸੀ ਮਾਮਲੇ 'ਚ ਜਾਂਚ ਏਜੰਸੀਆਂ ਦੀ ਲਾਪਰਵਾਹੀ ਕਾਰਨ ਪ੍ਰਧਾਨ ਮੰਤਰੀ ਦਫਤਰ(ਪੀ.ਐੱਮ.ਓ.) ਨਾਰਾਜ਼ ਹੈ। ਪ੍ਰਧਾਨ ਮੰਤਰੀ ਦਫਤਰ ਦੀ ਨਾਰਾਜ਼ਗੀ ਦੇ ਕਾਰਨ ਜਾਂਚ ਏਜੰਸੀਆਂ 'ਚ ਹੜਕੰਪ ਮਚਿਆ ਹੋਇਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਇਸ ਕਾਰਨ ਸੈਂਟਰਲ ਬਿਓਰੋ ਆਫ ਇਨਵੈਸਟੀਗੇਸ਼ਨ(ਸੀ.ਬੀ.ਆਈ.) ਨੇ ਐਂਟੀਗੁਆ ਸਰਕਾਰ 'ਤੇ ਗ੍ਰਿਫਤਾਰੀ ਦਾ ਦਬਾਅ ਬਣਾਇਆ ਹੈ।

ਨਵੀਂ ਦਿੱਲੀ— ਡੀਜ਼ਲ ਦੀ ਕੀਮਤ ਰਿਕਾਰਡ 69.46 ਰੁਪਏ ਪ੍ਰਤੀ ਲਿਟਰ 'ਤੇ ਪਹੁੰਚ ਗਈ ਹੈ। ਦਿੱਲੀ 'ਚ ਪੈਟਰੋਲ ਵੀ 78 ਰੁਪਏ ਪ੍ਰਤੀ ਲਿਟਰ ਦੇ ਕਰੀਬ ਪਹੁੰਚ ਚੁੱਕਾ ਹੈ। ਇਸ ਦੀ ਵਜ੍ਹਾ ਰੁਪਏ 'ਚ ਗਿਰਾਵਟ ਕਾਰਨ ਕੱਚੇ ਤੇਲ ਦਾ ਇੰਪੋਰਟ ਮਹਿੰਗਾ ਹੋਣਾ ਹੈ। ਦਿੱਲੀ 'ਚ ਅੱਜ ਡੀਜ਼ਲ ਦੀ ਕੀਮਤ 14 ਪੈਸੇ, ਜਦੋਂ ਕਿ ਪੈਟਰੋਲ ਦੀ 13 ਪੈਸੇ ਵਧ ਹੈ। ਸਾਰੇ ਮਹਾਨਗਰਾਂ 'ਚੋਂ ਦਿੱਲੀ 'ਚ ਤੇਲ ਦੀ ਕੀਮਤ ਸਭ ਤੋਂ ਘੱਟ ਹੈ, ਜਦੋਂ ਕਿ ਮੁੰਬਈ 'ਚ ਸਭ ਤੋਂ ਵਧ ਹੈ। ਮੁੰਬਈ 'ਚ ਸੋਮਵਾਰ ਨੂੰ ਡੀਜ਼ਲ ਦੀ ਕੀਮਤ 73.74 ਰੁਪਏ ਪ੍ਰਤੀ ਲਿਟਰ ਦਰਜ ਕੀਤੀ ਗਈ।

ਨਵੀਂ ਦਿੱਲੀ— ਪ੍ਰਾਈਵੇਟ ਜਹਾਜ਼ ਕੰਪਨੀ ਜੈੱਟ ਏਅਰਵੇਜ਼ ਨੇ ਮੁਸਾਫਰਾਂ ਨੂੰ ਆਕਰਸ਼ਤ ਕਰਨ ਲਈ ਖਾਸ ਆਫਰ ਪੇਸ਼ ਕੀਤਾ ਹੈ। ਕੰਪਨੀ ਵੱਲੋਂ ਭਾਰਤ ਅੰਦਰ ਹਵਾਈ ਸਫਰ ਕਰਨ ਦੀ ਫਲਾਈਟ ਟਿਕਟ 2,399 ਰੁਪਏ 'ਚ ਦਿੱਤੀ ਜਾ ਰਹੀ ਹੈ। ਇਸ ਕਿਰਾਏ 'ਚ ਨਵੇਂ ਮਾਰਗ ਸ਼ਾਮਲ ਕੀਤੇ ਗਏ ਹਨ, ਜਿਨ੍ਹਾਂ 'ਚ ਇੰਦੌਰ-ਹੈਰਦਾਬਾਦ, ਚੰਡੀਗੜ੍ਹ-ਇੰਦੌਰ, ਚੰਡੀਗੜ੍ਹ-ਹੈਦਰਾਬਾਦ ਅਤੇ ਬੇਂਗਲੁਰੂ-ਗੁਹਾਟੀ ਸ਼ਾਮਲ ਹਨ।

ਨਵੀਂ ਦਿੱਲੀ— ਹੁਣ ਜਲਦ ਹੀ ਤੁਹਾਨੂੰ ਸਟੇਸ਼ਨਾਂ ਦੀ ਨੁਹਾਰ ਬਦਲੀ ਦਿਸੇਗੀ ਅਤੇ ਕਈ ਟਰੇਨਾਂ 'ਚ ਸੀ. ਸੀ. ਟੀ. ਵੀ. ਕੈਮਰੇ ਵੀ ਨਜ਼ਰ ਆਉਣਗੇ। ਲੋਕ ਸਭਾ ਚੋਣਾਂ ਤੋਂ ਪਹਿਲਾਂ ਰੇਲਵੇ ਤਕਰੀਬਨ 70 ਸਟੇਸ਼ਨਾਂ ਦੀ ਸੂਰਤ ਬਦਲਣ 'ਤੇ ਜ਼ੋਰ-ਸ਼ੋਰ ਨਾਲ ਕੰਮ ਕਰ ਰਿਹਾ ਹੈ। ਸਟੇਸ਼ਨਾਂ ਦੇ ਨਵੀਨੀਕਰਨ ਦੇ ਨਾਲ ਇਨ੍ਹਾਂ ਨੂੰ ਆਧੁਨਿਕ ਕਰਨ 'ਤੇ ਖਾਸਾ ਮਿਹਨਤ ਕੀਤੀ ਜਾ ਰਹੀ ਹੈ। ਜਾਣਕਾਰੀ ਮੁਤਾਬਕ ਲੋਕ ਸਭਾ ਚੋਣਾਂ ਤੋਂ ਪਹਿਲਾਂ ਰੇਲਵੇ ਘੱਟੋ-ਘੱਟ 50,000 ਕਰੋੜ ਰੁਪਏ ਦੇ ਪ੍ਰਾਜੈਕਟ ਪੂਰੇ ਕਰ ਲੈਣਾ ਚਾਹੁੰਦਾ ਹੈ।

Most Read

  • Week

  • Month

  • All